torsdag 17. desember 2009

Endeleg ferie

I dag er første dagen både eg og Karen Marit har juleferie. Eg hadde massasjeeksamen i går og ho hadde kirkehistorie i dag. For dei som skulle lure, så sto eg altså på eksamen. Godt å byrje ferien med det!

Sidan i dag er første heile feriedagen min har eg gjort, og skal berre gjere ting som eg likar. Til no har eg vore tre timar på Elixia der eg var på spinning, styrketime, sat lenge i sauna og tok solarium. Etterpå åt Karen Marit og eg wienerpøler i brød (yndlingsmaten min) foran fjernsynet. Tenk, vi har faktisk tid til å sjå på fjernsynet. Karen Marit sovna til og med på sofaen.

No sit eg her i fysiogrilldressen min og slappar av. Seinare i kveld ventar juleiddag på Fjellhaug med pinnekjøtt (oh lala!).

Det er godt med juleferie.