Ønskjeliste 2007

Det vart etterlyst ei ønskjeliste her på bloggen min, og her er den:

- Skikkeleg dialekt, helst saognamaol
- Rettetang

Sidan sist blogpost har eg hatt songtime, og det å lære å steve er enno like kjekt og like vanskeleg. Elles har eg prestert å forsove meg kraftig, solgt tre Utsyn-abonnement (eg har byrja ein karriære som telefonseljar), hatt ein herleg vaffel-kveld med td Maria og Randi, tore å synge solo for første gong på mange år og fått i oppdrag å syngje/spele med Von på julebordet til NLM. Då blir det fest og basar med pinnekjøt! Eg gler meg og har det bra. No er det ikkje lenge til Sigbjørn kjem hit heller, så då blir det enda betre.

Snart jul er det òg...



Eg øvar mykje på julesong for tida, nett som desse her. Årets julesongar for min del er:
- No koma Guds englar
- Kling no klokka

Blogged with Flock

I gang med trening igjen!

Fredag var ein herleg dag, for då leverte eg hypex-en (skinna mi) inn på legevakta. Eg er med andre ord skinnefri, og kan no både gå, hoppe og gjere andre grovmotoriske rørsler. Dette måtte sjølvsagt feiraste, og det vart feira i dag.

Då eg vakna i dag hadde eg ein uvanleg stor trang til å gå ut. Ute i dag er det tåke og litt yr, men likevel frista det veldig. Eg kledde meg opp i stillongs, joggebukse, sokkar, joggesko, superundertøy og jakke og byrja å vandre ned til t-bana. Eg måtte gå opp att etter eit par minutt, for batteriet på mp3-spelaren rauk. Samuel var snill og lånte vekk sin mp3-spelar. Eg burde kanskje sjekka kva musikk som var på den før eg gjekk ut, for der var det i alt ti 80-tallssongar på dansk. Til å byrje meg var eg litt skeptisk, det skal eg innrømme, men etter kvart vart eg faktisk van med dette spesielle musikkuttrykket.

Etter ein god tur på t-bana, var eg framme ved jogge/hunde/barnefamilieparadiset Sognsvann. Litt VEL optimistisk la eg på jogg bortover grusen, men då eg fann ut at kroppen min berre var i stand til å jogge om lag 60-70 meter, bestemte eg meg for å gå i staden for. Denne tåkete søndagen vart eg gåande bak eit gå-fantom av ein 50-åring, og eg bestemte meg for å halde følgje med han. Det klarte eg, ja, faktisk så passerte eg han til slutt. Til å vere første treningsøkt på 6 veker, var eg overmåte fornøgd. Kneet mitt funkar bra, så det blir nok fleire turar framover. Kanskje eg snart klarar å jogge meir enn 70 meter? Det hadde nok vore ein fordel.



Om lag her passerte eg eit gå-fantom av ein 50-åring. Takk for turen, sjølv om du ikkje veit kven eg er. Du var flink til å bruke armane når du gjekk, pluss at du fekk meg til å halde opp tempoet heile vegen.

49, 48, 47, 46, 45, 44, 43, 42, 41, 40, 39, 38, 37, 36, 35, 34, 33, 32, 31, 30, 29, 28, 27, 26, 25, 24, 23, 22, 21, 20, 19...




(sånn ca)


Det nermar seg...:)

Blogged with Flock

Årets beste julegåvetips!

No byrjar det å bli kaldt i Oslo. Mørkt er det òg. Det likar eg. I går måtte eg ta på meg skjerf og vottar, og det var i grunn ganske godt.

Livet går sin gode gang her på Haugen, utan dei store krumspring og byks, til dømes på grunn av at eg enno trakkar rundt med ei svær skinne på beinet. Den kan eg forresten ta av på fredag, og det gler eg meg til. Eg legg ut eit bilete av meg med skinna, berre sånn at de kan sjå at det ikkje akkurat er noko diskrè eg går rundt med på beinet.

I dag hadde eg tenkt å gå ein lang søndagstur i Nordmarka, men så kom eg plutseleg på at eg har skinna på, og det er utruleg upraktisk å gå på tur med ei skinne som må strammast om lag kvart 15 sekund. Men det skal eigentleg ikkje klagast. Eg er glad for at det finst ei skinne som kan støtte opp om kneet mitt.

No må julehandelen snart gå av stabelen, og eg slit som vanleg med å finne ut kva eg skal kjøpe til foreldre og søsken.

Kanskje eit par sånne?


Eller denne vakre juleduken?


Kanskje eit splittert nytte utedo?


Denne boka bør slå an:


Ein sånn er alltid grei å ha:


Ei helleristning er alltid ein klassikar:


Kanskje nokon vil bli glad for å få skinna mi?


Sigbjørn vil nok bli overlykkeleg for ein splitter ny fotballstadion:


Fristar ein dag med Sandra og klovnen?


Kven kan motstå denne spreke sofaen?


LEDERHOSEN!!


Personleg trenar?





Eller har du kanskje betre forslag?

Kos og kaos

Kvar mandag etter lunch står det valfag på timeplanen, og av ein eller annan merkeleg grunn klarte eg å havne på valfaget baking. Dei som kjenner meg veit at eg eg på ingen måte er eit husmoremne, og eg har vel ikkje den største bakeintelligensen her på jord. Heldigvis er det fleire som meg på gruppa, så vi har det i grunn veldig gøy saman. Kutting av epler og gjærdeig er vår spesialitet, så det er berre å sei ifrå viss du treng hjelp til det ein gong!

I dag laga vi eplekake, og det vart ein del røre til overs. Då eg var mindre, vart eg overlykkeleg når eg fekk sleike vispane til mix-masteren.

I dag fekk eg og Martha Berit sleike denne fugleburliknande tingen:


Vi heiv oss over det som var:





Slik gjer ein når det er for mykje kakerøre: