I addle stillheit

Det er liksom ikkje nokon ende på kor mykje spanande som skal skje her på Sygna for tida. I går hadde vi ikkje vatn og over alt er det stor overhengande fare for Skogsnegl surprise. Ja, det regnar litt her, så å gå frå ein plass til ein annan er ein einaste stor labyrint. Det er makk, sneglar og andre leddlause ekle dyr over alt her.



I dag hadde eg kjemitentamen. Det gjekk strykande. Men faktisk så har eg komt til eit punkt der eg berre drit i det og berre vil bli ferdig, så no var det godt å vere ferdig. Torsdag ventar mattetentamen, men eg er litt meir roleg for den (noko eg ikkje burde vere eigentleg, men men).

No skal vi ta klassebilete i russeklede! Russebuksa er ikkje heilt ferdig, for eg har ikkje fått tak i kvit tekstiltusj enno. Nei, det er ikkje så mykje vi får tak i her i Balestrand, men det er berre sjarm. Manglar berre NLM- logoen på buksa så er den komplett. Det er kos!